Template:Appeal/Alan/mk

На Википедија имам создадено 2.463 статии. Сите бесплатни и слободни.

Јас сум системски консултант, и работам во многу голема фирма за финансиски информатички системи. Да ме плаќаа за времето што го имам потрошено на Википедија, ќе заработев стотици илјади долари.

Но тука поттик не се парите. На Википедија важи друга валута. Јас и илјадници други уредници со задоволство ги ставаме информациите на располагање на јавноста. Сите ние знаеме дека бесплатно и слободно достапните информации го подобруваат светот.

Се разбира, инфраструктурата што ги поддржува тие бесплатни информации не е бесплатна, и токму затоа еднаш годишно Ви се обраќаме за помош. На Википедија нема реклами, ништо не трепка, нема ништо десно или лево од страницата. Ништо не Ви продаваме. Википедија е чиста и неизвалкана од комерцијални трансакции.

Ние само апелираме да не поддржите со $5, €10, ¥1000 или онолку колку што можете да одвоите, сè со цел да можеме да го одржиме Вашиот пристап до информациите.

Инфраструктурата што е потребна за нашата работа, вдомена од непрофитната Фондација Викимедија, се состои само од најнеопходното. Google можеби има еден милион сервери. Yahoo има околу 13.000 вработени. Ние имаме 400 сервери и 95 вработени.

Википедија е 5-тa најпосетена веб-локација на Интернет, и ја користат 454 милиони луѓе месечно – со милијарди прегледи на страниците.

Економијата функционира така што секогаш велиме луѓето работат само за пари. Како инаку некој би ви доаѓал на работа ако не го платите?

Користејќи ја моќта на волјата за соработка и подобрување на сознанијата, Википедија прерасна во непроценлив извор. Културата на работа и однесување не зависи од нечија влијателност. Добивате непристрасни и точни информации. Содржините се темелно организирани и добро документирани, има многу наводи и извори, а информациите се најтековни и достапни секогаш кога ќе посакате.

Ова ми се чини како многу добра понуда.

Ви благодарам,

Алан Сон
Автор на статии на Википедија