Template:Appeal/Brandon/pam: Difference between revisions
m Adding title |
m Pcoombe moved page Template:2011FR/Appeal-Brandon/text/pam to Template:Appeal/Brandon/pam: new location for appeals |
(No difference)
| |
Latest revision as of 19:26, 28 February 2019
Ibat king programmer ning Wikipedia, i Brandon Harris
Panamdaman kung súsulat ke ing múmuna nang gulis ning kakung obituary (ampang a kasulatan kareng meangubye).
King palage ku, ala kung mas maulaga pang gáwan ku king bye ku kesa king gagawan ku ngeni king Wikipedia. E kami mû gagawang enciclopedia, magobra kami ba lang maging libri, maging timawa, deng táu. Nung atin tamung pikukwánan libring kabyasnan, mági tamung mas mayap a tau. Ayiyisip tamung mas maragul ya kesa kekatamu ing yatu, at migigising tamu king pamanintindi kareng kalupa tamung tau.
Ing Wikipedia ing kalimang pekapupuntalan dang website o karinan-Aptas (5th most visited website) king yatu. Mágobra ku king malating kumpanyang e mágtubu a magpanatili kayá king web/Aptas. E ke mangibiling patalastas uling milako ing kekaming katimawan, ing kekaming independencia. Ing karinan a ini, e ne kasangkapan ning propaganda, at kapilan man e dapat maging kasangkapan ning propaganda.
Malilyari ing obra mi uling kareng donasyun da reng mamásâ. Makasaup ka kayâ king pamaningat king Wikipedia kapamilatan ning pamagkalub $5, €10, ¥1000, o magkanu mang agyu mo?
Mágobra ku king Katatagan Wikimedia o Wikimedia Foundation uling sasabyan na kaku ning mabilug kung kaladwang ini ing ustu, ini ing karapatdapat gáwan. Mekapagobra na ku kareng mangaragul a kumpanyang teknikal (tech companies), a mágobra bang maglalang alang kwentang bageng medisenyung manakong pera king anák a e na balu iti. Madidismaya ku balang mumuli ku ibat king obra.
Malyaring e mu balu ini, pero kikimut ya ing Katatagan Wikimedia kapamilatan dareng ditak mung empleadu. Deng áliwang karinan a mumunang apulu (top-ten sites), libu-libu la empleadu ampong asnong pangaragul budget. Pero kapurit mu ing karelang ayayabut kumpara ketang kekaming gagawan kapamilatan da mu deng alambri ampong taiktik/sticks.
Nung mamye ka king Wikipedia, susuportan mu ing libring kabyasnan, ing timawang kabyasnan, king mabilug a yatu. E ka mû máglakwan pamana para kareng kekang ának ampo reng karelang ának, nun e tatas mo reng táu king mabilug a yatu a manikwa king iyas a iti. At sisiguradwan mung king datang a panaun, deng anggang táu, mirakayanan la naman.
Salamat,
Brandon Harris
Programmer, Wikimedia Foundation